Əsas məzmuna keç

Əl-Ənbiya surəsi - 65-ci Ayə

Surə 21
Ayə 65

Azərbaycan dilində tərcümə

Sonra (fikirlərindən) döndülər (və öz əvvəlki əqidələrinə qayıdaraq İbrahimə dedilər:) «Sən bunların heç vaxt danışmadıqlarını yaxşı bilirsən.»
Tam Surə

Əl-Ənbiya surəsi 65-ci Ayəsinin Təfsirləri

NUR TƏFSİRİ: Əl-Ənbiya surəsi / ayə 65

MÖHSÜN QƏRAƏTİ
13.05.2026

“Sonra başlarını aşağı saldılar. (Peşmanlıqla dedilər: «Ey İbrahim!) Doğrudan da, sən özün bilirsən ki, bunlar danışan deyillər.»”

Bildirişlər

  1. Vicdanın oyanışı, insanın özünə gəlməsi, fitrətə diqqət peyğəmbərlərin ümdə hədəflərindəndir.

  2. Şirk insanın özünə biganəliyi, tövhid isə insanın özünü tapmasıdır.

  3. Düşüncə oyandıqda hər bir günahkar günahı o birinin boynuna atır.

  4. Tarix, fitrət və vicdan həqiqəti işıqlandıran amillərdəndir. Dünənədək İbrahimi zalım sayanlar bu gün vicdanlarına müraciət etməklə özlərini zalım bilirlər.