Ən-Nisa surəsi - 30-cu Ayə

Surə 4

Ayə 30

Azərbaycan dilində tərcümə

Onu (başqasının malını yeməyi və birini öldürməyi Allahın hökmünün) hədd(lərin)i aşmaq və (özünə və ya başqalarına) zülm üçün edən kəsi tezliklə (yandırıcı) oda salacaq və odun istiliyini ona daddıracağıq. Bu, Allaha asandır.

Tam Surə

Ən-Nisa surəsi 30-cu Ayəsinin Təfsirləri

NUR TƏFSİRİ: Ən-Nisa surəsi / ayə 30

MÖHSÜN QƏRAƏTİ.

14.11.2025

"Hər kəs təcavüz və sitəm yolu ilə belə etsə (xalqın malına və canına əl uzatsa və ya intihar edib qan töksə), tezliklə onu oda daxil edərik. Bu iş Allah üçün asandır.”

Nöqtələr

Ədavət və zülm arasında fərq bu ola bilər ki, ədavət yalnız başqalarına yönəlir, zülm isə insanın özünə də aid ola bilir.

Ayədəki "nuslihi” sözü təcavüzkarın oda salınacağı mənasını bildirir.

İmam Sadiq (ə) buyurmuşdur: "Hər kəs bilərəkdən intihar etsə (özünü öldürsə), həmişəlik cəhənnəmdə qalar.” Sonra isə həzrət bu ayəni tilavət etmişdir.”("Mən la yəhzur”, c. 3, səh. 364. )

Bildirişlər

1. Bir işin səbəbi zülm və ədavət deyilsə, bu işə görə ilahi qəhr və qəzəb də yoxdur.

2. İnsanın məqsədi ona veriləcək mükafat və ya cəzada mühüm rol oynayır.