Əl-Casiyə surəsi

1

Əl-Casiyə surəsi Ayə 1

Quran-ı Kərim

Ha Mim. (Bunlar Allah tərəfindən Muhəmmədə (s) təlqin edilmiş sirlərdir. Bu kitab həmin bu hərflərdən təşkil olunmuşdur. Lakin heç kəsin onunla mübarizə aparmaq qüdrəti yoxdur. Bu kitabın «möhkəm», həmçinin bu cür «mütəşabih» ayələri vardır. And olsun Bizim hədsiz həlimliyimizə və mütləq hökmranlığımıza ki, talelərdə baş verənlər əzəli qəzavü-qədərin hökmündən keçmişdir.)

Paylaş Kopyala Link

Ayə 1

2

Əl-Casiyə surəsi Ayə 2

Quran-ı Kərim

Bu kitab yenilməz qüdrət, möhkəm yaradılış və güclü şəriət sahibi olan Allah tərəfindən nazil edilmişdir.

Paylaş Kopyala Link

Ayə 2

3

Əl-Casiyə surəsi Ayə 3

Quran-ı Kərim

Şübhəsiz, göylərdə və yerdə (onların vücudunda və yaradılmalarının necəliyi və təsirlərində) iman əhli üçün (Allahın tovhid, rübubiyyət, qüdrət və hikmətindən) nişanələr vardır.

Paylaş Kopyala Link

Ayə 3

4

Əl-Casiyə surəsi Ayə 4

Quran-ı Kərim

Və həmçinin sizin özünüzün yaradılışınızda və (bütün aləmdə) yaydığı canlılarda (bədənlərinin və ruhlarının fərqliliyi və ruhlarının bədənlərlə əlaqəsi baxımından) yəqini olan bir dəstə üçün nişanələr vardır.

Paylaş Kopyala Link

Ayə 4

5

Əl-Casiyə surəsi Ayə 5

Quran-ı Kərim

Həmçinin gecə ilə gündüzün get-gəlində, onların artıb azalmasında, Allahın (yağış və günəşin nuru kimi) göydən nazil etdiyi və vasitəsi ilə yeri öldükdən sonra diriltdiyi (toxumlara, bitkilərə və fidanlara inkişaf ruhu verdiyi) ruzidə, eləcə də küləklərin (müxtəlif istiqamətlərə) dolandırılmasında düşünənlər üçün nişanələr vardır.

Paylaş Kopyala Link

Ayə 5

6

Əl-Casiyə surəsi Ayə 6

Quran-ı Kərim

Bunlar (kitabın bu ayələri və sizin öz vücudunuzda və təbiətdə olan ayələr) Allahın haqq və doğru olaraq sənə oxuduğumuz ayələridir. Buna görə də (əgər bunları qəbul etməsələr), Allahdan (Allahın sözündən) və Onun nişanələrindən sonra hansı sözə iman gətirəcəklər?!

Paylaş Kopyala Link

Ayə 6

7

Əl-Casiyə surəsi Ayə 7

Quran-ı Kərim

Vay olsun peşəsi günah olan hər bir yalan uydurana

Paylaş Kopyala Link

Ayə 7

8

Əl-Casiyə surəsi Ayə 8

Quran-ı Kərim

ki, Allahın həmişə ona oxunan aylərini eşidir, sonra onları eşitməmiş kimi təkəbbürlə (öz küfr və inadkarlığında) israr edir. Buna görə də onu ağrılı bir əzabla müjdələ.

Paylaş Kopyala Link

Ayə 8

9

Əl-Casiyə surəsi Ayə 9

Quran-ı Kərim

Bizim (kitab və nişanələrmizdən) bir ayə bilən zaman ona məsxərə edər. Alçaldıcı əzabları olacaq kəslər onlardır.

Paylaş Kopyala Link

Ayə 9

10

Əl-Casiyə surəsi Ayə 10

Quran-ı Kərim

Onların (dünyalarının) arxasında Cəhənnəmdir. Onların əldə etdikləri (mal-dövlət və məqam) və Allahın yerinə başçı və dost (olaraq) götürdükləri şey (Allahın) onlar(a olan əzabın)dan bir şeyi dəf etməyəcəkdir. Onlar üçün böyük əzab vardır.

Paylaş Kopyala Link

Ayə 10

11

Əl-Casiyə surəsi Ayə 11

Quran-ı Kərim

Bu (Qur’an) başdan-ayağa hidayətdir. Rəbblərinin ayələrinə küfr edən kəslər üçün çətin və ağrılı bir əzab vardır.

Paylaş Kopyala Link

Ayə 11

12

Əl-Casiyə surəsi Ayə 12

Quran-ı Kərim

Allah gəmilərin Onun əmri ilə dənizdə üzmələri və həmçinin sizin Onun lütfünü və (qurudakı və sudakı) nemətlərini diləməyiniz üçün və (nəhayət) bəlkə şükr etdiniz deyə (suya xüsusi təbiət və genişlik bəxş etməklə) dənizi sizin xeyirinizə ram edəndir.

Paylaş Kopyala Link

Ayə 12

13

Əl-Casiyə surəsi Ayə 13

Quran-ı Kərim

Göylərdə və yerdə olanları – (varlıq və idarə edilmələri) Onun tərəfindən olanların hamısını sizin xeyirinizə ram etdi. Həqiqətən bunda (bu ram etmədə) düşünən dəstə üçün (Onun tovhid, qüdrət və mərhəmətindən) nişanələr vardır.

Paylaş Kopyala Link

Ayə 13

14

Əl-Casiyə surəsi Ayə 14

Quran-ı Kərim

İman gətirənlərə de ki, Allahın (məğlubiyyət və ölüm, Bərzəx və Qiyamət kimi) günlərinə iman və ümidi olmayanları bağışlasınlar (və ilahi hakimiyyət gerçəkləşənə kimi onlara toxunmasınlar) ki, (Allah mübarizə aparan) dəstəni əldə etdiklərinin müqabilində (Özü) cəzalandırsın.

Paylaş Kopyala Link

Ayə 14

15

Əl-Casiyə surəsi Ayə 15

Quran-ı Kərim

Kim yaxşı iş görsə öz xeyirinədir və kim pis iş görsə öz ziyanınadır. Sonra siz Rəbbinizə tərəf qaytarılacaqsınız (ki, əməllərinizin nəticələrini görəsiniz).

Paylaş Kopyala Link

Ayə 15

16

Əl-Casiyə surəsi Ayə 16

Quran-ı Kərim

Həqiqətən Biz İsrail övladlarına kitab (Tövrat, İncil, Zəbur və səhifələri), hökm (hikmət, hökm çıxarmaq və hakimiyyət) və peyğəmbərlik verdik, onlara (bildirçin əti, qüvvət halvası və göydən göndərilmiş süfrə kimi) pak şeylərdən ruzi verdik və onları (zəmanələrində olan) aləmdəkilərdən üstün etdik.

Paylaş Kopyala Link

Ayə 16

17

Əl-Casiyə surəsi Ayə 17

Quran-ı Kərim

Həmçinin onlara (dinlərinin) iş(i) barəsində aydın dəlillər verdik (ki, onun əsasları və qollarında qaranlıq bir nöqtə qalmasın). Beləliklə onlar yalnız (məsələnin həqiqəti barəsində) özlərinə elm yetişdikdən sonra (ancaq) aralarındakı həsəd, həddi aşmaq və təkəbbür üzündən ixtilafa düçar oldular. Həqiqətən sənin Rəbbin Qiyamət günü onların arasında barəsində ixtilafa düçar olduqları bütün şeylər barəsində hökm çıxaracaqdır.

Paylaş Kopyala Link

Ayə 17

18

Əl-Casiyə surəsi Ayə 18

Quran-ı Kərim

Sonra səni işin (ümumi din işinin, məxsus) bir şəriəti (yəni keçmiş dörd şəriət müqabilində İslam şəriəti) yolunda qoyduq. Buna görə də ona tabe ol və heç vaxt, elmi olmayanların (kafir və müşriklərin) nəfsi istəklərinə tabe olma.

Paylaş Kopyala Link

Ayə 18

19

Əl-Casiyə surəsi Ayə 19

Quran-ı Kərim

Çünki onlar əlbəttə ki, Allah(dan gələn əzab)dan bir şeyi səndən dəf etməzlər. Həqiqətən zalımlar bir-birlərinin dost və yardımçılarıdır. Allah (isə) təqvalıların başçı və yardımçısıdır.

Paylaş Kopyala Link

Ayə 19

20

Əl-Casiyə surəsi Ayə 20

Quran-ı Kərim

Bu (Qur’an və şəriət) insanların bəsirət (gözüaçıqlıq) vasitələri və (yaradılışın başlanğıc və sonuna) inananlar üçün başdan ayağa hidayət və mərhəmətdir. (Yəni onun təsiri həmin şəxslərədir.)

Paylaş Kopyala Link

Ayə 20

21

Əl-Casiyə surəsi Ayə 21

Quran-ı Kərim

Yoxsa günahlara batmış kəslər onları iman gətirib yaxşı işlər görmüş şəxslər kimi edəcəyimizi – həyat və ölümlərinin (onlarla) eyni olacağını güman edirlər? Nə pis mühakimə yürüdürlər!

Paylaş Kopyala Link

Ayə 21

22

Əl-Casiyə surəsi Ayə 22

Quran-ı Kərim

Allah göyləri və yeri haqq (düzgün) olaraq (uca və ağılın qəbul etdiyi bir məqsədlə) yaratdı (ki, hər bir istedad sahibi özünün layiqli kamalına çatsın) və hər bir nəfs qazandığının müqabilində (digər aləmdə) cəzalandırılsın. Onlara əsla zülm edilməyəcək və haqları kəsilməyəcəkdir.

Paylaş Kopyala Link

Ayə 22

23

Əl-Casiyə surəsi Ayə 23

Quran-ı Kərim

Nəfsi istəyini öz məbudu etmiş və Allahın (onun batini küfrü və niyyətinin xəbisliyi barəsində olan) Öz elminə və onun məlumatına əsasən özbaşına buraxdığı, qulağını və qəlbini (bədbəxtlik möhürü ilə) möhürlədiyi və gözünə pərdə çəkdiyi kəsi gördünmü? Belə olan halda onu Allahdan başqa kim hidayət edə (bilə)r? Məgər ibrət götürmürsünüz?

Paylaş Kopyala Link

Ayə 23

24

Əl-Casiyə surəsi Ayə 24

Quran-ı Kərim

(Məadı inkar edən müşriklər) dedilər: «Bizim bu dünya həyatımızdan başqa bir həyat yoxdur; daim ölürük və dirilirik (bir dəstə ölür, bir dəstə dirilir və ya ruhun bir bədəndən digər bir bədənə keçməsi yolu ilə bir bədəndə ölür, digər bir bədəndə yenidən dirilirik) və bizi yalnız zamanın keçməsi öldürür (mələklər zamanın keçməsi ilə ruhları bir bədəndən digərinə keçirirlər və arada başlanğıc söhbəti yoxdur).» Onların bu iddiaya bir (dair) bilikləri yoxdur. Onlar yalnız güman edirlər.

Paylaş Kopyala Link

Ayə 24

25

Əl-Casiyə surəsi Ayə 25

Quran-ı Kərim

Bizim (məad barəsindəki) aydın nişanə və dəlillərimiz onlara oxunan zaman onların «əgər doğruçusunuzsa bizim atalarımızı (qəbirlərdən çıxarıb) gətirin (biz də iman gətirək)» deməkdən başqa bir dəlilləri yoxdur.

Paylaş Kopyala Link

Ayə 25

26

Əl-Casiyə surəsi Ayə 26

Quran-ı Kərim

De: «Allah sizə (əvvəlcə bu dünyada) həyat bəxş edir, sonra öldürür, daha sonra sizi barəsində şəkk-şübhə olmayan Qiyamət gününə toplayacaqdır. Lakin insanların çoxu bilmir.»

Paylaş Kopyala Link

Ayə 26

27

Əl-Casiyə surəsi Ayə 27

Quran-ı Kərim

Göylərin və yerin həqiqi malik və sahibi Allahdır (çünki onların yaradılması, qorunması və məhv edilməsi Onun əlindədir). Batilə uyanlar Qiyamətin qopacağı gün, (bəli, məhz) həmin gün ziyana uğrayacaqlar.

Paylaş Kopyala Link

Ayə 27

28

Əl-Casiyə surəsi Ayə 28

Quran-ı Kərim

(Həmin gün) bütün ümmətləri (qorxunun şiddətindən) bir yerə toplaşmış və diz çökmüş görərsən. Hər bir ümmət öz kitabına (hər bir şəxs öz əməl dəftərinə və ya hər bir ümmət öz dini kitabına) tərəf çağırılacaq (və belə xitab olunacaq ki:) «etdiklərinizin müqabilində bu gün cəzalandırılacaqsınız (və ya sizin axirət cəzanız dünyadakı əməllərinizin gerçək təzahürüdür).»

Paylaş Kopyala Link

Ayə 28

29

Əl-Casiyə surəsi Ayə 29

Quran-ı Kərim

Bu Bizim siz(in əməlləriniz)ə qarşı haqq və doğru danışan kitabımızdır. Çünki Biz sizin etdiklərinizin üzünü köçürürdük (və ya Lövhi-Məhfuzdan köçürür və sizin əməllərinizlə tutuşdururduq).

Paylaş Kopyala Link

Ayə 29

30

Əl-Casiyə surəsi Ayə 30

Quran-ı Kərim

Buna görə də Rəbbləri iman gətirib yaxşı işlər görən kəsləri Öz mərhəmətinə daxil edəcəkdir. Bu, həmin aşkar uğurdur!

Paylaş Kopyala Link

Ayə 30

31

Əl-Casiyə surəsi Ayə 31

Quran-ı Kərim

Küfr edənlərə gəldikdə isə (onlara belə deyiləcəkdir:) «Məgər Mənim (tovhid) ayələrim sizə oxunmurdu?! Amma siz təkəbbür göstərirdiniz və (onda siz) günahkar bir dəstə idiniz.»

Paylaş Kopyala Link

Ayə 31

32

Əl-Casiyə surəsi Ayə 32

Quran-ı Kərim

«Şübhəsiz, Allahın vədi haqdır və Qiyamət barəsində heç bir şəkk-şübhə yoxdur» deyilən zaman «biz Qiyamətin nə olmasını bilmirik; biz ancaq güman edirik və biz yəqinliyə çatmamışıq» deyirdiniz.

Paylaş Kopyala Link

Ayə 32

33

Əl-Casiyə surəsi Ayə 33

Quran-ı Kərim

Pis əmələrinin cəzası onlara (gerçəklik şəklində) zahir olacaq və istehza etdikləri şey (müxtəlif əzablar) onları bürüyəcəkdir.

Paylaş Kopyala Link

Ayə 33

34

Əl-Casiyə surəsi Ayə 34

Quran-ı Kərim

Və (onlara) deyilər: «Siz (dünyada) bu günki görüşünüzü unutduğunuz kimi (Biz də) bu gün sizi unudacağıq (əzabın içində boşlayacağıq). Sizin yeriniz oddur və sizə əsla kömək edənlər olmayacaqdır.»

Paylaş Kopyala Link

Ayə 34

35

Əl-Casiyə surəsi Ayə 35

Quran-ı Kərim

Bunun (bu əzabların) səbəbi sizin Allahın ayələrinə məsxərə etməyiniz və dünya həyatının sizi aldatmasıdır. Odur ki, bu gün onlar Cəhənnəmdən çıxarılmayacaq, üzrxahlığa çağırılmayacaq və onlardan Allahın razılığını əldə etmələri istənilməyəcək.

Paylaş Kopyala Link

Ayə 35

36

Əl-Casiyə surəsi Ayə 36

Quran-ı Kərim

Buna görə də həmd-səna göylərin Rəbbi, yerin Rəbbi və aləmdəkilərin Rəbbi olan Allaha məxsusdur.

Paylaş Kopyala Link

Ayə 36

37

Əl-Casiyə surəsi Ayə 37

Quran-ı Kərim

Göylərdə və yerdə böyüklük, yenilməzlik və hökmranlıq Ona məxsusdur və məğlubedilməz qüdrət və hikmət sahibi Odur (ki, yaradılışı möhkəm, idarəçiliyi sarsılmazdır).

Paylaş Kopyala Link

Ayə 37