Əl-Cumə surəsi

1

Əl-Cumə surəsi Ayə 1

Quran-ı Kərim

Göylərdə və yerdə nə varsa (hamısı), (bütün varlıq aləminə) hökmran, (hər bir eyb və nöqsandan) pak, yenilməz qüdrət sahibi və (yaradılış mərhələsində) gözəl yaradan, (şəriətdə) mətin olan Allaha daim (dil və hal ilə) zikr edir.

Paylaş Kopyala Link

Ayə 1

2

Əl-Cumə surəsi Ayə 2

Quran-ı Kərim

Ayələrini onlara oxumaq, onları (əqidədə, əxlaqda və əməldəki çirkinliklərdən) pak etmək, onlara (səmavi) kitab, dini və əqli mərifətlər öyrətmək üçün ümmilərin (çoxusu savadsız olan Məkkə camaatının) arasından özlərindən olan bir Peyğəmbər seçən Odur. Doğrudan da onlar bundan öncə açıq-aşkar azğınlıq içində idilər.

Paylaş Kopyala Link

Ayə 2

3

Əl-Cumə surəsi Ayə 3

Quran-ı Kərim

Və onu (bəşərin nəsli kəsilənədək) onlardan olan lakin hələ onlara qoşulmamış digər cəmiyyətlər üçün də (seçdi). O, (istədiyi şeydə) yenilməz qüdrət sahibi və (əbədi qalan dinin qanunlarının çıxarılmasında) hikmət sahibidir.

Paylaş Kopyala Link

Ayə 3

4

Əl-Cumə surəsi Ayə 4

Quran-ı Kərim

Bu, (risalət) Allahın kərəmidir ki, onu istədiyinə verər və Allah böyük kərəm sahibidir.

Paylaş Kopyala Link

Ayə 4

5

Əl-Cumə surəsi Ayə 5

Quran-ı Kərim

Tövrat (elmi, əməli və təbliğinə dair bilgi) çiyinlərinə qoyulduqdan sonra onu daşımayan kəslər (yəhudi alimləri) neçə-neçə kitablar daşıyan (amma ondan heç bir bəhrəsi olmayan) ulağa bənzəyər. Allahın ayələrini (Tövratın buyruqlarına qarşı çıxmaqla) təkzib və inkar edənlər barədə (çəkilən məsəl) necə də pis məsəldir! Allah zalım qövmü doğru yola yönəltməz!

Paylaş Kopyala Link

Ayə 5

6

Əl-Cumə surəsi Ayə 6

Quran-ı Kərim

De: «Ey yəhudilər, əgər belə hesab edirsinizsə ki, başqa insanlar deyil, siz Allah dostlarısınız, əgər düz danışırsınızsa (onda Allahdan) ölüm diləyin (ki, dostunuzun rəhmət və nemətinə nail olasınız,)».

Paylaş Kopyala Link

Ayə 6

7

Əl-Cumə surəsi Ayə 7

Quran-ı Kərim

Halbuki onlar öz əlləri ilə törədib öncədən göndərdikləri şeyə görə əsla ölümü arzulamazlar və Allah zalımları(n halını) biləndir.

Paylaş Kopyala Link

Ayə 7

8

Əl-Cumə surəsi Ayə 8

Quran-ı Kərim

De: «Şübhəsiz, qaçdığınız o ölüm mütləq sizə yetişəcək, sonra isə gizlini və aşkarı bilənə tərəfə qaytarılacaqsınız. O da (dünyadakı) əməllərinizi sizə xəbər verəcəkdir».

Paylaş Kopyala Link

Ayə 8

9

Əl-Cumə surəsi Ayə 9

Quran-ı Kərim

Ey iman gətirənlər, cümə günü namaza çağırılan zaman, Allahı zikr etməyə (cümə namazına) tələsin və alış-verişi buraxın! Əgər bilsəniz bu, sizin üçün daha xeyirlidir.

Paylaş Kopyala Link

Ayə 9

10

Əl-Cumə surəsi Ayə 10

Quran-ı Kərim

Və namaz qurtardıqda, yer üzünə dağılışın və Allahın kərəmindən istəyin (iş və ruzi dalınca gedin) və Allahı çox zikr edin, bəlkə səadətə yetişəsiniz.

Paylaş Kopyala Link

Ayə 10

11

Əl-Cumə surəsi Ayə 11

Quran-ı Kərim

(Lakin cümə namazına əhəmiyyət vermirlər) bir ticarət, ya əyləncə gördükdə, səni ayaq üstə (xütbə, ya namaz halında) buraxıb onun tərəfinə axışarlar. De: «Allahın dərgahında olan şey əyləncədən (malların şəhərə daxil olması zamanı çalınan musiqi və təbil səsindən) və ticarətdən daha xeyirlidir. Allah ruzi verənlərin ən yaxşısıdır!»

Paylaş Kopyala Link

Ayə 11