Əl-Munafiqun ‏ surəsi

1

Əl-Munafiqun ‏ surəsi Ayə 1

Quran-ı Kərim

Münafiqlər sənin yanına gəldikdə deyərlər: «Şəhadət veririk ki, həqiqətən, sən Allahın Rəsulusan.» Allah bilir ki, sən Onun Rəsulusan və həm də Allah şəhadət verir ki, həqiqətən, münafiqlər yalançılardır (və öz əqidələrının əksinə olaraq şəhadət verirlər).

Paylaş Kopyala Link

Ayə 1

2

Əl-Munafiqun ‏ surəsi Ayə 2

Quran-ı Kərim

Onlar öz andlarını sipər etmişlər, beləliklə Allahın yolundan üz döndərmiş və camaatı da ondan (bu yoldan) saxlamışlar; doğrudan da etdikləri iş olduqca pisdir!

Paylaş Kopyala Link

Ayə 2

3

Əl-Munafiqun ‏ surəsi Ayə 3

Quran-ı Kərim

O (nifaq və pis əməl) buna görə idi ki, onlar (bəzi möcüzələri görməklə) iman gətirdilər, sonra isə kafir oldular (və münafiqlərə qoşuldular), beləliklə onların qəlblərinə (bədbəxtlik) möhür(ü) vuruldu, buna görə də başa düşmürlər.

Paylaş Kopyala Link

Ayə 3

4

Əl-Munafiqun ‏ surəsi Ayə 4

Quran-ı Kərim

Onları gördükdə (yaraşıqlı) cüssələri (boy-buxunları) səni heyrətləndirir və (elə yağlı dilləri var ki,) danışdıqları zaman sözlərinə qulaq asırsan, (amma imansız və mənəviyyatsız olduqları üçün) elə bil ki, dayaq verilmiş kötüklərdir! (Qorxaqlığın şiddətindən) hər bir fəryadın (səs-küyün) öz əleyhlərinə olduğunu zənn edirlər; onlar (həqiqi) düşməndirlər, onlardan özünü gözlə; Allah onları öldürsün! (Haqdan) necə və haraya döndərilirlər?!

Paylaş Kopyala Link

Ayə 4

5

Əl-Munafiqun ‏ surəsi Ayə 5

Quran-ı Kərim

Onlara: «Gəlin Allah Rəsulu sizin üçün bağışlanmaq diləsin,» deyildikdə (inkar və təkəbbür üzündən) başlarını bulayarlar, onları təkəbbürlə üz çevirən və başqalarını da düz yoldan saxlayan görərsən.

Paylaş Kopyala Link

Ayə 5

6

Əl-Munafiqun ‏ surəsi Ayə 6

Quran-ı Kərim

Onlar üçün bağışlanmaq istəsən də birdir, istəməsən də, əsla Allah onları bağışlamayacaqdır; çünki Allah fasiq qövmü doğru yola yönəltməz.

Paylaş Kopyala Link

Ayə 6

7

Əl-Munafiqun ‏ surəsi Ayə 7

Quran-ı Kərim

Onlar: «Allah Rəsulunun yanında olanlara heç bir şey verməyin ki, (qoy) dağılışsınlar»- deyən kimsələrdir. Halbuki, göylərin və yerin xəzinələri Allaha məxsusdur və lakin münafiqlər (bunu) anlamazlar.

Paylaş Kopyala Link

Ayə 7

8

Əl-Munafiqun ‏ surəsi Ayə 8

Quran-ı Kərim

Onlar deyirlər: «Əgər (bu döyüş səfərindən) Mədinəyə qayıtsaq, mütləq ən əzizlər ən zəlil olanları (münafiqlər dəstəsi Peyğəmbəri və yoldaşlarını) oradan çıxaracaqdır;» halbuki, izzət və qüdrət Allaha, Onun Rəsuluna və möminlərə məxsusdur və lakin münafiqlər (bunu) bilmirlər.

Paylaş Kopyala Link

Ayə 8

9

Əl-Munafiqun ‏ surəsi Ayə 9

Quran-ı Kərim

Ey iman gətirənlər, mal-dövlətiniz və övladlarınız sizi Allah zikrindən yayındırmasın! Və kim belə etsə (Allahı unutsa), belələri (əsl) ziyankarlardır.

Paylaş Kopyala Link

Ayə 9

10

Əl-Munafiqun ‏ surəsi Ayə 10

Quran-ı Kərim

Və sizin hər hansı birinizi ölüm haqlayıb (dünyadan getmək anı çatanda): «Ey Rəbbim, niyə məni(m ölümümü) yaxın bir müddətədək təxirə salmadın ki, sədəqə verərək salehlərdən olaydım?!» – deməmişdən öncə sizə ruzi olaraq verdiklərimizdən (Allah yolunda) xərcləyin!

Paylaş Kopyala Link

Ayə 10

11

Əl-Munafiqun ‏ surəsi Ayə 11

Quran-ı Kərim

Və Allah heç bir kəsi(n ölümünü) – onun əcəli yetişən zaman – əsla təxirə salmaz və Allah nə etdiklərinizdən xəbərdardır.

Paylaş Kopyala Link

Ayə 11