Qaf surəsi

1

Qaf surəsi Ayə 1

Quran-ı Kərim

Qaf. (Bunlar Allahla Onun Peyğəmbəri arasındakı sirlərdir. Bu kitab həmin bu hərflərdən təşkil olunmuşdur. Lakin bəşəriyyət onun bənzərini gətirməkdə acizdir. Bu kitabın «möhkəm», həmçinin bu cür «mütəşabih» ayələri vardır. Ey Muhəmməd! Sənə əmr olunduğu kimi möhkəm ol. Olacaq şeyin hökmü əzəldən verilib.) And olsun əzəmətli, əziz, şanlı, şərəfli, qiymətli və uca məqamlı Qur’ana (ki, sən peyğəmbərlərdənsən və cəza günü haqdır).

Paylaş Kopyala Link

Ayə 1

2

Qaf surəsi Ayə 2

Quran-ı Kərim

(Onlar nəinki qəbul etmədilər) hətta onlara (mələk və cinlərdən deyil) özlərindən bir qorxudan (peyğəmbər) gəlməsinə təəccübləndilər. Buna görə də kafirlər dedilər: «Bu qəribə bir şeydir!

Paylaş Kopyala Link

Ayə 2

3

Qaf surəsi Ayə 3

Quran-ı Kərim

Məgər ölüb torpaq olandan sonra (yenidən dirildiləcək və ayağa qaldırılacağıq)? Bu, (tarixi təcrübədən və ağılın dərkindən) uzaq bir qayıdışdır. (Bədənlərin dağılmış və bir-birinə qarışmış hissələri bir-birindən ayrıldıqdan sonra bir yerə necə toplana bilər?)»

Paylaş Kopyala Link

Ayə 3

4

Qaf surəsi Ayə 4

Quran-ı Kərim

(Heç də uzaq deyil! Çünki) şübhəsiz, Biz yerin onların cəmiyyətindən nəyi azaltdığını və (qəbir) torpağın(ın) onların cəsədlərindən nəyi əskiltdiyini (əzəldən) bilirik. Çünki Bizim yanımızda (varlıq aləminin hadisələrini) qoruyan və (hər bir hadisə və dəyişiklikdən) qorunmuş (Lövhi-Məhfuz adlı) bir kitab vardır.

Paylaş Kopyala Link

Ayə 4

5

Qaf surəsi Ayə 5

Quran-ı Kərim

(Ağıllarının dərk etməməsindən deyil) bəlkə haqq onlara yetişən (aydın olan) zaman onu təkzib etdilər. Beləliklə onlar qarmaqarışıq bir iş içərisindədirlər (qəlbdə yəqinlikləri var, dildə isə inkar edirlər).

Paylaş Kopyala Link

Ayə 5

6

Qaf surəsi Ayə 6

Quran-ı Kərim

Məgər başlarının üzərindəki göyə baxıb görmürlər ki, onu necə tikmişik və bəzəmişik və onda heç bir yarıq yoxdur (onda heç bir nöqsan və çatışmazlıq görünmür)?!

Paylaş Kopyala Link

Ayə 6

7

Qaf surəsi Ayə 7

Quran-ı Kərim

Biz yeri sərdik, onda sabit və möhkəm dağlar yaratdıq və gözəl, qəlbi oxşayan bitkilərin hər sinif və cütündən bitirdik.

Paylaş Kopyala Link

Ayə 7

8

Qaf surəsi Ayə 8

Quran-ı Kərim

(Allahın ayələri barəsində fikirləşməklə Ona tərəf) qayıdan hər bir bəndəyə gözüaçıqlıq və öyüd-nəsihət (amili) olması üçün (etdik bunları).

Paylaş Kopyala Link

Ayə 8

9

Qaf surəsi Ayə 9

Quran-ı Kərim

Göydən (yağış, qar və dolu şəklində) xeyir-bərəkət dolu su endirdik. Onun vasitəsi ilə (çoxlu ağacı olan) bağlar və biçilməli dən(li bitki)lər bitirdik.

Paylaş Kopyala Link

Ayə 9

10

Qaf surəsi Ayə 10

Quran-ı Kərim

Və uca boylu və məhsuldar xurma ağacları (yetişdirdik) ki, bir-birinin üstünə çıxmış salxımları və (hər salxımda) sıx meyvələri vardır.

Paylaş Kopyala Link

Ayə 10

11

Qaf surəsi Ayə 11

Quran-ı Kərim

Bəndələrin ruzisi olsun deyə! Həmçinin su vasitəsi ilə (bitkiləri bitirib) ölmüş torpağı diriltdik. Çıxmaq (qiyamət günü ölülərin qəbirlərdən baş qaldırmaları da) belədir (bitki və dənlərin yetişməsi kimidir).

Paylaş Kopyala Link

Ayə 11

12

Qaf surəsi Ayə 12

Quran-ı Kərim

Onlardan (Məkkə müşriklərindən) qabaq Nuhun qövmü, (Yəmamədə peyğəmbərləri Hənzələni quyuya atmış) Rəss yoldaşları və (Saleh peyğəmbərin qövmü) Səmud da (öz peyğəmbərlərini) təkzib etmişdi.

Paylaş Kopyala Link

Ayə 12

13

Qaf surəsi Ayə 13

Quran-ı Kərim

Həmçinin (Hudun qövmü) Ad, Firon (və onun yoldaşları) və Lutun (qəbilə) qardaşları.

Paylaş Kopyala Link

Ayə 13

14

Qaf surəsi Ayə 14

Quran-ı Kərim

(Şüeyb qövmünə məxsus) o yamyaşıl və sıx ağaclı yerin sakinləri və (Yəmən padşahının) Tübbə qövmü. Onların hamısı peyğəmbərləri təkzib etdilər. Beləliklə Mənim (inkar edənlərə əzab vermək barəsindəki) qəti vədim (onlar barəsində) təsbit oldu.

Paylaş Kopyala Link

Ayə 14

15

Qaf surəsi Ayə 15

Quran-ı Kərim

Məgər Biz (varlıq aləminin) ilk yaradılış(ın)da aciz qalmışıq (ki, onların yenidən qaytarılmalarında da aciz qalaq)?! (Onlar ilk yaradılışı inkar etmirlər,) əksinə yeni yaradılış barəsində səhvdədirlər.

Paylaş Kopyala Link

Ayə 15

16

Qaf surəsi Ayə 16

Quran-ı Kərim

Şübhəsiz, insanı Biz yaratdıq və nəfsinin ona nə ilə vəsvəsə etdiyini bilirik. Biz ona şah damarından da yaxınıq.

Paylaş Kopyala Link

Ayə 16

17

Qaf surəsi Ayə 17

Quran-ı Kərim

(Yada sal) o zaman(ı) ki, (insanın düşüncə və əməllərini) qəbul edən o ikisi (o iki mələk) onun sağında və solunda oturub qəbul edirlər.

Paylaş Kopyala Link

Ayə 17

18

Qaf surəsi Ayə 18

Quran-ı Kərim

Dilinə elə bir söz gətirməz ki, (bu zaman) yanında (deyilənləri yazmağa) hazır olan nəzarətçi mələk dayanmasın.

Paylaş Kopyala Link

Ayə 18

19

Qaf surəsi Ayə 19

Quran-ı Kərim

Ölüm bihuşluğu həqiqətən gələr və (başqa aləm barəsində insanın qarşısına) həqiqəti çıxarar. (Və ona deyilər:) Bu sənin qaçdığın həmin şeydir.

Paylaş Kopyala Link

Ayə 19

20

Qaf surəsi Ayə 20

Quran-ı Kərim

Və Sur (ikinci dəfə) çalınar. Həmin gün (Allahın) hədələyici vədlər(inin gerçəkləşməsi) günüdür.

Paylaş Kopyala Link

Ayə 20

21

Qaf surəsi Ayə 21

Quran-ı Kərim

(Həmin gün) hər bir kəs bir sürükləyənlə və (əməllərinə şəhadət verəcək) bir şahidlə gələcəkdir.

Paylaş Kopyala Link

Ayə 21

22

Qaf surəsi Ayə 22

Quran-ı Kərim

(Ona deyiləcəkdir:) Həqiqətən sən bundan (bu gündən) qafil idin. Biz pərdəni (qəflət pərdəsini) sən(in təfəkkürünün önün)dən kənara çəkdik. Odur ki, bu gün gözün iti görür (Məhşərin vəziyyətini, öz əməllərini və onların cəzasını görəcəksən).

Paylaş Kopyala Link

Ayə 22

23

Qaf surəsi Ayə 23

Quran-ı Kərim

Və onun yoldaşı (yanındakı gözətçi) deyər: Mənim yanımda hazır olan şəxs budur. (Və onun şahid yoldaşı deyər: Onun Mənim yanımda hazır olan əməl səhifələri bunlardır.)

Paylaş Kopyala Link

Ayə 23

24

Qaf surəsi Ayə 24

Quran-ı Kərim

(Əmr gələr ki:) Siz iki nəfər (gözətçi mələk və şahid) hər bir inadkar kafiri cəhənnəmə atın!

Paylaş Kopyala Link

Ayə 24

25

Qaf surəsi Ayə 25

Quran-ı Kərim

Hər bir xeyirin qarşısın alanı, (yaradanın müəyyənləşdirdiyi həddi aşan və yaradılmışların haqqına təcavüz edən) təcavüzkarı və (əqidənin əsaslarına) şübhə edəni (qəlblərə şəkk-şübhə salanı).

Paylaş Kopyala Link

Ayə 25

26

Qaf surəsi Ayə 26

Quran-ı Kərim

Tək olan Allahla yanaşı özünə başqa bir məbud götürəni. Buna görə də onu şiddətli və ağrılı bir əzaba atın!

Paylaş Kopyala Link

Ayə 26

27

Qaf surəsi Ayə 27

Quran-ı Kərim

Onun yoldaşı (olan şeytan) deyər: «Ey Rəbbim! Onu itatəsizliyə mən vadar etmədim, lakin o özü uzun-uzadı bir azğınlıq içərisində idi. (Mən yalnız dəvət etdim, o da öz xoşu ilə qəbul etdi.)»

Paylaş Kopyala Link

Ayə 27

28

Qaf surəsi Ayə 28

Quran-ı Kərim

(Allah) buyurar: «Mənim hüzurumda bir-birinizlə dava-dalaş salmayın. Mən sizə əvvəlcədən (peyğəmbərlər və səma kitabları vasitəsi ilə) əzab vədi vermişdim.» (Hamıya lazım olan dəlil sübutlar təqdim edilib və hamının cinayəti aydınlaşıb.)

Paylaş Kopyala Link

Ayə 28

29

Qaf surəsi Ayə 29

Quran-ı Kərim

(Kafirlərin cəhənnəmin odunu olmaları barəsində Lövhi-Məhfuzda yazılmış) o (qəti) söz Mənim yanımda əsla dəyişilməz (deyilənin əksi olmaz və onun hökmü ləğv edilməz) və Mən bəndələrə əsla zülm edən deyiləm.

Paylaş Kopyala Link

Ayə 29

30

Qaf surəsi Ayə 30

Quran-ı Kərim

Və (yada sal) o zaman(ı) ki, Biz Cəhənnəmə deyərik: «Doldun?» Və (axirət aləminin tərkib hissələri şüura və danışma qabiliyyətinə malik olduğu üçün) o deyər: «Daha artıq varmı?» (Yəni, yenə yerim var və ya yerim yoxdur.)

Paylaş Kopyala Link

Ayə 30

31

Qaf surəsi Ayə 31

Quran-ı Kərim

Və Cənnəti təqvalılara (aralarında) məsafə olmadan çox yaxınlaşdırarlar.

Paylaş Kopyala Link

Ayə 31

32

Qaf surəsi Ayə 32

Quran-ı Kərim

(Onlara deyilər:) Bu sizə vəd olunandır. (Bu, dünyada) Allaha çox könül verən və (yaradanın və yaranmışların hüquqlarını) qoruyan hər bir kəs üçündür.

Paylaş Kopyala Link

Ayə 32

33

Qaf surəsi Ayə 33

Quran-ı Kərim

Rəhman olan Allahdan gizlində (heç kəsin onu, onun isə axirəti görmədiyi halda) qorxan və tövbəkar və sızıltılı qəlblə (Allahın görüşünə) gələn kəs (üçün)!

Paylaş Kopyala Link

Ayə 33

34

Qaf surəsi Ayə 34

Quran-ı Kərim

(Onlara deyiləcək:) «(Allah və mələklər tərəfindən) salamla (və əbədi salamatlıqla) ora daxil olun. (Müjdə olsun sizə ki,) bu gün əbədiyyət günüdür.»

Paylaş Kopyala Link

Ayə 34

35

Qaf surəsi Ayə 35

Quran-ı Kərim

Orada onlar üçün istədikləri (hər bir) şey vardır. Bizim yanımızda (onların təsəvvür və istəklərindən xaric) daha artıq (nemətlər) mövcuddur.

Paylaş Kopyala Link

Ayə 35

36

Qaf surəsi Ayə 36

Quran-ı Kərim

Biz onlardan (Məkkə müşriklərindən) qabaq qüdrət və iqtidar baxımından onlardan daha güclü olan və şəhərləri gəzib-dolaşaraq hər yerə nüfuz etmiş neçə-neçə nəsilləri məhv etdik. (Lakin) məgər (əzab nazil olan zaman onlar üçün) qaçmağa yer və bir sığınacaq var idi?!

Paylaş Kopyala Link

Ayə 36

37

Qaf surəsi Ayə 37

Quran-ı Kərim

Şübhəsiz, bunda (bu əhvalatlarda, oyaq) qəlbi olan və ya (həqiqətlərə qəlbi ilə) şahid olaraq qulaq asan kəs üçün bir öyüd-nəsihət vardır.

Paylaş Kopyala Link

Ayə 37

38

Qaf surəsi Ayə 38

Quran-ı Kərim

Həqiqətən Biz göyləri, yeri və bu ikisinin arsında olanları altı gündə (yaxud altı gecə-gündüzdə və ya altı mərhələdə) yaratdıq və Bizə heç bir inciklik və yorğunluq üz vermədi (yenidən diriltmək də belə olacaqdır).

Paylaş Kopyala Link

Ayə 38

39

Qaf surəsi Ayə 39

Quran-ı Kərim

Buna görə də onların (peyğəmbərliyin inkarı, rübubiyyətdə şirk və qiyamətin təkzib edilməsi barəsində) dediklərinə səbr et və günəş çıxandan qabaq və onun batmasından öncə öz Rəbbini həmd-səna ilə birlikdə pak sifətlərlə mədh et (hər bir eyb və nöqsandan pak bil, yəni sübh, zöhr və əsr namazlarını qıl).

Paylaş Kopyala Link

Ayə 39

40

Qaf surəsi Ayə 40

Quran-ı Kərim

Və gecənin bir hissəsində də Onu pak sifətlərlə mədh et (məğrib və işa namazlarını qıl) və həmçinin səcdələrin ardınca (bütün namazların səcdələrindən sonra Onu pak siftələrlə xatırla).

Paylaş Kopyala Link

Ayə 40

41

Qaf surəsi Ayə 41

Quran-ı Kərim

Carçının (İsrafilin sur ilə ikinci dəfə, dağılmış bütün bədənlərə nisbətdə eyni ölçüdə) yaxın yerdən car çəkəcəyi gün qulaq as (və həmin nidanı gözlə)!

Paylaş Kopyala Link

Ayə 41

42

Qaf surəsi Ayə 42

Quran-ı Kərim

(Bərzəx aləmində olan bütün ruhların) haqq olan (və Lövhi-Məhfuzda təsbit edilmiş) həmin bağırtını eşidəcəkləri gün! (Həmin) o gün (hamının qəbirlərdən) çıxma günüdür.

Paylaş Kopyala Link

Ayə 42

43

Qaf surəsi Ayə 43

Quran-ı Kərim

Şübhəsiz, dirildən də, öldürən də Bizik və dönüş (axirətdə hamının qayıdışı) Bizə tərəfdir.

Paylaş Kopyala Link

Ayə 43

44

Qaf surəsi Ayə 44

Quran-ı Kərim

Onlar (oradan Allaha doğru) tələsərkən yerin onların üzərindən yarılacağı gün. Bu (diriltmək və hüzurumuza gətirmək), Bizim üçün asan bir toplamadır.

Paylaş Kopyala Link

Ayə 44

45

Qaf surəsi Ayə 45

Quran-ı Kərim

Biz onların (kafirlərin təkzib, istehza, şirk və məadın inkarı barəsində) dediklərini daha yaxşı bilirik və sən onlara hakim deyilsən (ki, iman gətirərək Allaha təslim olmağa zorla vadar edəsən). Odur ki, Mənim hədələrimdən qorxan kəsə bu Qur’an vasitəsi ilə öyüd-nəsihət ver.

Paylaş Kopyala Link

Ayə 45