Hud surəsi - 105-ci Ayə

Surə 11

Ayə 105

Azərbaycan dilində tərcümə

Və o (əcəl sona yetişən və Qiyamət) gəlib çatan zaman Onun izni olmadan heç kəs danışmaz. Beləliklə, onlardan bəzisi bədbəxtdir (öz vücudunun bütün xeyirlərini puç edib) və bəzisi xoşbəxt (öz vücudunun bütün xeyirlərini əldə edib).

Tam Surə

Hud surəsi 105-ci Ayəsinin Təfsirləri

NUR TƏFSİRİ: Hud surəsi / ayə 105

MÖHSÜN QƏRAƏTİ.

14.11.2025

“O gün gələndə kimsə Allahın izni olmadan danışa bilməz. Onlardan bir
dəstəsi bədbəxt, digər bir dəstəsi isə xoşbəxtdir.”

Nöqtələr
◘“Səadət” sözü ne`mət səbəblərinin, “şəqavət” sözü bədbəxtlik səbəblərinin
gerçəkləşməsidir.
Bildirişlər
1. Qiyamətin bərpa vaxtı və dünyanın sonu öncədən müəyyənləşdirilmişdir.
2. Qiyamətin bərpası üçün müəyyənləşdirilmiş fasilə də məqsədlidir.
3. Qiyamət günü icazəsi olmayanlardan savay hamı susar.