Əl-Maidə surəsi - 100-cu Ayə

Surə 5

Ayə 100

Azərbaycan dilində tərcümə

De: «Murdarların çoxluğu səni təəccübləndirsə də, murdarla pak (istər insanın ruhiyyəsində olsun, istərsə də onun əqidə, əxlaq və əməlində) əsla bir deyildir.» Odur ki, ey ağıl sahibləri, Allahdan qorxun, bəlkə nicat tapdınız.

Tam Surə

Əl-Maidə surəsi 100-cu Ayəsinin Təfsirləri

NUR TƏFSİRİ: Əl-Maidə surəsi / ayə 100

MÖHSÜN QƏRAƏTİ.

14.11.2025

"(Xalqa) de ki, xəbisin (napakın) sayı səni heyrətə gətirsə də xəbislə (napakla) pak eyni deyil. Ey düşüncə sahibləri! Allahdan qorxun, bəlkə nicat tapasınız.”

Nöqtələr

Paklıq və napaklıq həm var-dövlətə, həm qazanca, həm qidalara, həm də müxtəlif əşyalara aiddir.

Bildirişlər

1. Dəyər ölçüsü çoxluq və ya azlıq yox, haqq və batildir.

2. Çoxluq aldadıcıdır, ehtiyatlı olaq. (Çoxluq nə haqlılıq, nə də üstünlük nişanəsidir.)

3. Rüsvayçılıqdan qurtarmaq üçün xalqa uyğunlaşmaq Quran məntiqi deyil.

4. Təqvasızlıq düşüncəsizlik nişanəsidir.

5. Pakı xəbisdən (napakdan) seçmək, təqvalı olmaq, cəmiyyətin hay-küyünə təslim olmamaq düşüncə sahiblərinin işidir.

6. Qurtuluş ağıl və düşüncədən əlavə ilahi təqvaya ehtiyaclıdır.