Yunus surəsi - 66-cı Ayə

Surə 10

Ayə 66

Azərbaycan dilində tərcümə

Bilin ki, göylərdə olan hər bir kəsin (və hər bir şeyin) və yerdə olan hər bir kəsin (və hər bir şeyin) həqiqi sahibi Allahdır. Allahdan başqa şərikləri (bütləri) çağıran kəslər nəyə tabe olurlar? Onlar zənn və gümandan başqa bir şeyə tabe olmurlar və onlar yalnız ehtimal edir və yalan söyləyirlər.

Tam Surə

Yunus surəsi 66-cı Ayəsinin Təfsirləri

NUR TƏFSİRİ: Yunus surəsi / ayə 66

MÖHSÜN QƏRAƏTİ.

14.11.2025

"Agah olun! Həqiqətən, göylərdə və yerdə olan hər kəs Allahındır. Allahın əvəzinə qoşduqları şərikləri çağıranlar (onlara da) itaət etmirlər. Onlar öz gümanlarından başqa bir şeyə itaət etmirlər. Onlar yalnız yalan danışanlardır.”

Nöqtələr

"Çağırırlar...” cümləsi sual, "itaət etmirlər” cümləsi cavab ola bilər. Yəni uydurduqları şəriklərin ardınca gedənlər nəyə itaət edirlər? Onlar öz gümanlarından başqa bir şeyə itaət etmirlər. Cümlədən belə də anlaşıla bilər ki, hətta Allaha şərik qoşulanlar da Onun mülkündədir.

Bildirişlər

1. Allahın mütləq malikiyyəti tövhid və kamil izzət dəlilidir.

2. Hər şey Allahın mülküdür. Necə ola bilər ki, mülk malikə şərik olsun?!

3. Səmalarda ağlı olan varlıqlar var.

4. Müşriklərin məntiqi, elmi əsasları yoxdur.

5. Müşriklər qoşduqları şəriklərə yox, öz xülyalarına itaət edirlər. Çünki Allahın şəriki yoxdur. Demək, onlar yalan deyirlər.