Ət-Tin surəsi Sürəsi - Quran Kərim

  1. Quran
  2. ›
  3. Ayə Axtarışı
  4. ›
  5. Ət-Tin surəsi

Ət-Tin surəsi Sürəsi

Bütün ayələri, tərcüməsi və təfsiri

Quranda Axtarış Edin

60 açar söz
Axtarış nəticələri: "Ət-Tin surəsi" üzrə 8 ayə tapıldı.
Ət-Tin surəsi - Ayə 1 #95:1
And olsun əncirə və onun ağacına, zeytuna və onun ağacına (və ya Dəməşqdə və Beytül – Müqəddəsdə olan iki dağa – «Tin» və «Zeytun» dağlarına).
Ət-Tin surəsi - Ayə 2 #95:2
Və and olsun Sina dağına (Allah Musa ilə orada danışmış və Tövratı üç gün dalbadal ayaq üstə qalan Musanın qulağına çatdırmış, onun qəlbinə nazil etmişdi).
Ət-Tin surəsi - Ayə 3 #95:3
Və and olsun bu əmin-amanlıq (olan) şəhərə (şəriət baxımından toxunulmaz olan Məkkeyi – Müəzzəməyə) ki,
Ət-Tin surəsi - Ayə 4 #95:4
Həqiqətən, Biz insanı(n cismini və ruhunu) ən gözəl bir biçimdə yaratdıq (ona düzgün qamət, mütənasib üzvlər, düşünən beyin və fəzilətlərə qadir olan bir ruh verdik).
Ət-Tin surəsi - Ayə 5 #95:5
Sonra isə onu rəzillərin ən aşağı dərəcəsinə qaytardıq (maddi cəhətdən cismi və fikri zəiflik halında, mənəvi cəhətdən – bütün dəlillər təqdim edilib tamamlandıqdan sonra – cəhl və bədbəxtlik halında buraxarıq).
Ət-Tin surəsi - Ayə 6 #95:6
Yalnız iman gətirib yaxşı əməllər edənlərdən başqa. Onlar üçün minnətsiz və saysız – hesabsız bir mükafat vardır.
Ət-Tin surəsi - Ayə 7 #95:7
Belə isə (ey insan), bundan sonra səni cəza (gününü) təkzib etməyə vadar edən nədir?!
8 Tapılan Ayə
6236 Ümumi Ayə
114 Sürə Sayı
1 Səhifə