Ali-İmran surəsi - 55-ci Ayə

Surə 3

Ayə 55

Azərbaycan dilində tərcümə

(Yada sal) o zaman(ı) ki, Allah dedi: «Ey İsa, həqiqətən, Mən səni (camaatın arasından) götürəcək, Özümə tərəf qaldıracaq, küfr edən kəslərdən (onların cəmiyyətlərinin çirkinliklərindən) paklaşdıracaq və Qiyamətə kimi sənə tabe olanları (son ilahi islahatçının zühurunadək xristianları, ondan sonra isə müsəlmanları) kafirlərdən (yəhudilərdən) üstün edəcəyəm. Sonra isə sizin qayıdışınız (axirətdə) Mənə tərəfdir. Beləliklə, sizin aranızda haqqında ixtilafda olduğunuz şey barəsində hökm çıxaracağam.»

Tam Surə

Ali-İmran surəsi 55-ci Ayəsinin Təfsirləri

NUR TƏFSİRİ: Ali-İmran surəsi / ayə 55

MÖHSÜN QƏRAƏTİ.

14.11.2025

"(Xatırla,) o zaman ki, Allah buyurdu: "Ey İsa! Mən səni (yerdən) götürüb Özümə doğru qaldıraram və səni kafir olanlardan pak edərəm. Qiyamət gününədək sənin ardıcıllarını kafirlərdən üstün edərəm. Sonra qayıdışınız Mənə doğrudur. İxtilafda olduğunuz məsələlərdə aranızda hakimlik edəcəyəm.”

Nöqtələr

Kafirlərin məkri qarşısında Allahın tədbiri bu ayədə bəyan olunmuşdur.

İmam Baqir (ə) buyurmuşdur: " Həzrət İsanın meracı mübarək ramazan ayının iyirmi birinci gecəsi baş verdi.("Təfsire-Nurus-səqəleyn”. )

Bildirişlər

1. Başqa peyğəmbərlər üçün də merac olmuşdur.

2. Kafirlərin yəhudilərə qələbəsi barədə qeybi xəbər Quranın möcüzələrindəndir.

3. Məsihilərin yəhudilərə qələbəsi barədə qeybi xəbər Quranın möcüzələrindəndir.

4. Peyğəmbərlərin ardıcılı olmaq qələbə rəmzidir.

5. İslamın bütün dünyaya ünvanlanması İslamın pənahındakı məzhəbi azlıqların vücudu ilə zidd deyil. "Qiyamət gününədək” təbirindən aydın olur ki, yəhudi və məsihilər qiyamət gününə qədər mövcud olasıdırlar.

6. Hamının qayıdışı Allaha doğrudur və O, sorğu-sualsız hakimdir.