NUR TƏFSİRİ: Əl-İsra surəsi / ayə 45
MÖHSÜN QƏRAƏTİ
10.01.2026
"Quran oxuduğun vaxt səninlə qiyamətə inanmayanlar arasında görünməz hicab qərar verərik (ki, haqq maarifin dərkindən məhrum qalsınlar).”
Nöqtələr
Quran təqvalıların hidayət vasitəsidir.(Bax: "Fussilət”, 44; "Ənam”, 25; "Kəhf”, 57 )Axirətə əminlik müttəqilərin nişanələrindəndir.("Təfsiri-Ətyəbul-Bəyan” )Demək, Quran qiyamətə inanmayanları hidayət etmir. İnsanı vəhy və ilahi maarifin dərki ləzzətindən məhrum edən həmin hicabdır. Peyğəmbərin (s) dilindən vəhy eşitsələr belə, onlara təsir etməz.
Bildirişlər
1. İnsanda hidayət qabiliyyəti olmasa, Peyğəmbərin (s) oxuduğu Quran da ona təsir etməz.
2. İnsanın inadkarlıq və küfründən sonra ilahi qəhr-qəzəb nazil olur.
3. Quran tilavəti insanı kafirlərin şərindən qoruya bilər.
4. Quran tilavəti insanda kafirlərdən uzaqlıq ruhiyyəsi yaradır.
5. Vəhyi dərk etməkdən məhrumluq ilahi əzab və qəzəbdir. Allahın qamçısı səssizdir.
6. Məada iman ilahi dəvətin qəbul amili, məada küfr ilahi maarifin inkar səbəbidir.
7. Allah Öz həqiqətlərini və maarifini yalnız haqq əhlinə açır.