Ən-Nəhl surəsi - 65-ci Ayə

Surə 16

Ayə 65

Azərbaycan dilində tərcümə

Allah göydən (yağış, qar və dolu şəklində) su endirdi və onun vasitəsi ilə yeri (otları, dənləri və onların daxilindəki rüşeymləri) ölümündən sonra diriltdi. Doğrudan da bunda (bu işdə) eşidən dəstə üçün (Allahın qüdrət və hikmətindən) bir nişanə vardır.

Tam Surə

Ən-Nəhl surəsi 65-ci Ayəsinin Təfsirləri

NUR TƏFSİRİ: Ən-Nəhl surəsi / ayə 65

MÖHSÜN QƏRAƏTİ

17.12.2025

"Allah səmadan su nazil etdi, onun vasitəsi ilə ölmüş torpağı diriltdi. Əlbəttə bunda eşidənlər üçün aydın nişanələr var.”

Nöqtələr

Ötən ayədə qəlblərin oyanış səbəbi olan kitabın nazil olması haqqında danışıldı. Bu ayədə torpağın oyanış səbəbi olan yağışın nazil olması qeyd edilir.

Bildirişlər

1. Təbiət hadisələri təsadüfi deyil, Allahın iradəsi əsasında gerçəkləşir.

2. Torpaq da insan kimi ölür, dirilir.

3. İlahi proqramlar adi və təbii vasitələrlə həyata keçir.

4. Su torpağın və torpaqda olanların həyat qaynağıdır.

5. Allahın təbiətdə idarəçiliyi tövhid məktəbidir.

6. Ən üstün allahşünaslıq yolu ilahi ayələri dinləmək və öyüd götürməkdir.