Sad surəsi Sürəsi - Quran Kərim

  1. Quran
  2. ›
  3. Ayə Axtarışı
  4. ›
  5. Sad surəsi

Sad surəsi Sürəsi

Bütün ayələri, tərcüməsi və təfsiri

Quranda Axtarış Edin

60 açar söz
Axtarış nəticələri: "Sad surəsi" üzrə 88 ayə tapıldı.
Sad surəsi - Ayə 61 #38:61
(Həmçinin deyərlər:) Ey Rəbbimiz! Bunu (bu vəziyyəti) bizim qarşımıza çıxaran kəsin oddakı əzabını (özlərinin və bizi azdırmalarının əzabı olaraq) ikiqat artır!
Sad surəsi - Ayə 62 #38:62
Və (od əhli) deyər: «Bizə nə olub ki, (dünyada) şər və pis insanlardan saydığımız kəsləri (islamçıları və dinpərəstləri burada) görmürük?!
Sad surəsi - Ayə 63 #38:63
Biz onları (nahaq yerə) ələ saldıq (və indi cənnətdədirlər), yoxsa bizim gözlərimiz onları görmür (və əslində onlar buradadırlar)?!
Sad surəsi - Ayə 64 #38:64
Şübhəsiz, cəhənnəm əhlinin bir-biri ilə bu dava-dalaşı qəti və olasıdır.
Sad surəsi - Ayə 65 #38:65
De: «Mən yalnız bir qorxudanam (mənə hələ ki, nə müharibə etmək əmr edilmişdir, nə şəriət hökmlərini icra etmək tapşırılmışdır və nə də mükafat və ya cəza verənəm). (Üluhiyyət, rübubiyyət, ibadət və itaətdə) tək və bütün varlıq aləminə qalib olan Allahdan başqa heç bir məbud yoxdur.»
Sad surəsi - Ayə 66 #38:66
Göylərin, yerin və onların arasında olanların Rəbbi həmin O – yenilməz qüdrət sahibi və çox bağışlayan Allah(dan)!
Sad surəsi - Ayə 69 #38:69
Mənim (bundan əvvəl) yuxarı aləm barəsində (oradakı söhbətlər və oranın mələklərinin) bir-birləri ilə (Adəmin yaradılışı haqqında) mübahisə edərkən (danışıqlarından) heç bir məlumatım yox idi.
Sad surəsi - Ayə 71 #38:71
(Yuxarı aləmdə olan söhbət və mübahisəyə diqqət etmək üçün yada sal) o zaman(ı) ki, Rəbbin mələklərə buyurdu: «Həqiqətən Mən gildən bir bəşər yaratmaq istəyirəm.
Sad surəsi - Ayə 72 #38:72
Elə ki, onun bədəninin yaradılmasını tamamladım və Öz ruhumdan ona üfürdüm, hamınız səcdə halında onun qarşısında yerə düşün.»
Sad surəsi - Ayə 75 #38:75
(Allah) buyurdu: «Ey İblis!Sənə Mənim öz əlimlə (vasitəsiz olaraq Öz istəyimlə) yaratdığıma səcdə etməyə nə mane oldu?» Təkəbbür göstərdin, yoxsa doğrudan da üstünlərdənsən?
Sad surəsi - Ayə 76 #38:76
Dedi: «Mən ondan daha yaxşıyam. Çünki məni oddan, onu isə gildən yaratmısan (od gildən daha yaxşıdır. Buna görə də daha yaxşıdan yaradılan daha yaxşı olacaqdır).
Sad surəsi - Ayə 77 #38:77
(Allah) buyurdu: «Belə isə oradan (göylərdən, mələklərin içindən və ilahi dərgaha yaxınlıq məqamından) xaric ol ki, sən həqiqətən qovulmuşsan!
Sad surəsi - Ayə 78 #38:78
Və şübhəsiz, cəza gününə kimi Mənim lənətim sənin üstündə olacaqdır.»
Sad surəsi - Ayə 79 #38:79
(İblis) dedi: «Ey Rəbbim! Belə isə onların (qəbirlərdən) qaldırılacağı günə kimi mənə möhlət ver.»
88 Tapılan Ayə
6236 Ümumi Ayə
114 Sürə Sayı
5 Səhifə